آشاغيداكي شكيل 1355 ايلينده سالينميشدير. بو اوكولا(مدرسه يه) ايندي "ابن سينا" دئييرلر. بايان(خانيم) اؤيرتمن لرين تيپ لرينه آلدانمايين! اوندانين اوكول لاري اوكول دئييلميش. آللاه گؤرسه تمه سين، آنام دييَر نئچه دفعه باجيمي توركجه دانيشمايينا گؤره جريمه ائله ميشديلر. تانرييا شوكورلر بو گون داي او سيخينتي لارين هئچ بيري يوخدور. ميللتيميز آرتيخ تورك ديلينده دانيشابيلر! اوخويابيلر! يازابيلر! يازابيلر؟؟ يازابيلر!. البته بو شرط ايله كي چيخيب داغ باشيندا يازمييا!!!.
آذربايجان ميللتي، 57 دئوريمينين باشيندا اولماكلا، توركلرين بئله اؤز ديلينده دانيشماييني اونا چوخ گؤره ن رئژيمي، دئويردي. توركمنچاي دا او زامان كيچيك بير كند اولماغينا راغمن، بو دئوريمده اورتاقليك ائله ميشدي. ايكينجي شكيل ايسه 1357 ايلينه قاييدير. جماعت توپلانان يئره قديم دن "قورد مئيداني" دييرلر. گؤردوز بوتون عرب اؤلكه لري، دئوريم لرينده بيزدن اولگو گؤتوردولر؟!. بيرينجي دفعه توركمنچايدا، بير مئيدانا ييغيشيب دؤولت علئيهينه تظاهرات ائله مك مود دوشدو!. سونرا نه بيليم مصر ده "تحرير مئيداني"، بحرين ده "لو لو مئيداني" و باشقالاري مود اولدو!.
